خاص وجاد لما قبل الزواج

من طرف cute boy الجمعة ديسمبر 26, 2008 6:55 pm

السلام عليكم afro

ماحاولنا نفكر ليه نسبة الطلاق وفسخ الخطوبة زاد عن حده في وقتنا الحاضر ؟

الفكرة اللي في راس البنت او الولد هي ايه....... انو كل واحد داخل كأنو لمعركة يبغى هو اللي يسيطر من البدايه على قولهم يدبح القطه من اول يوم ههههههه
او داخل يعيش هو وهي فترة غرام من غير تفكير ومايظهر لها غير المميزات والعيوب مقفل عليها وهي كمان ماتبين غير الرقه والنعومه والاحساس المرهف ومكتمه على العيوب وبعدين لما يتم الجواز يتصدمو في بعض وهو يقول ماكانت كده وهي تقول كان معيشني فتره تجنن كلها رومنسيه وبعدين الحب اللي كان يطلع وهم وتبدأ المشاكل والخلافات والنهايه يايعيشو على دا الشي يعني يستحملو والشيطان شاطر ممكن يخليهم يدورو على الحب خارج البيت او ينحرفو وتصير الخيانات او يطلقوا وعلى دا الحال ..... محد يقول انا تمام الحمدلله ماعندي عيوب محد كامل الا الله تعالى طبعا العيوب حتى لو كانت بسيطه ومن وجهة النظر انها تافهه المهم انها عيوب ولابد من معرفة التعامل معها حتى تقل المشاكل

طبعا لما تتم الخطوبه البنت تنشغل بالسوق والعنايه والولد يادوب للشقه والعفش وناسيين اهم شي وهو تهيئة انفسهم للحياه الجديده وكيفية التعامل معها

لازم من قبل ماتتم دي الاشياء تكون بينهم مكالمات صريحة وتتضمن كيف يكونو متفاهمين مع بعض مو لازم الحب في البدايه اهم شي التواصل يكون بينهم والراحه لبعض والتفاهم على كل شي يعني لايكون هو اللي مسيطر ولا هي اللي مسيطرة مثلا 50% لها و 50% له وبعد كده يجي الحب لأن الحب محد يخطط له يجي ويدوم كمان
انت عليك قبل ماتخطب تكون مهئ نفسيا وتنسى اي لعب كان في حياتك انتي عليكي تكوني مهيئه نفسيا وفكريا للجواز
حاول تحتويها وتاخد عقلها بالتفاهم والعطف والصدقحاولي تسمعي منه وتغمريه بالحنان وضحلها انو هي اللي اخترتها لتشاركك باقي حياتك كرّسي حياتك له ولبيتك ولاتسأليه انا اول وحده بحياتك او عن الماضي لأنه انتهى والمرأة الذكيه ماتسأل عن الماضي لأنه راح ولو ماانتهى ماكان خطبك
بينلها انها الشي الاساسي في حياتك واهلك واصحابك طبعا تحبهم وشي ضروري في حياتك بس بشكل مختلف عنها وتخرج مع اصحابك بحدود لأن وضعك مو زي اول فاضي لنفسك بسلاتمنعيه من اهله وقد ماحبيتهم راح يحبك اكتر والا اصحابه لاتقوليله ماتروح معاهم لأنك انت كمان لو كان متوفر لكي تخرجيه مع صاحباتك دايما ماكنتي اتأخرتي ولاتسيبه جالس وانت طول الوقت تكلمي امك او اخواتك او صاحباتك خلو في بالكم انكم اخترتو بعض يعني مايفرقكم شي لآخر العمر حتى المشاكل كل مشكله لها حل بس مو بالانفصال

ولو صار كل دا شوفو كيف الحال يصير والحب يصير حقيقي وصادق ويبقى لآخر عمركم

ولكم مني خالص الامنيات بحياه سعيده